Emisari special i BE-së, Miroslav Lajçak, ka thënë se në takim me presidenten e Kosovës, Vjosa Osmani, ka biseduar edhe për fatin e të pagjeturve nga lufta e fundit në Kosovë.

Ai në një postim në Tëitter, ka njoftuar për këtë takim të zhvilluar së bashku me emisarin special të SHBA-së për Ballkanin Perëndimor, Gabriel Escobar.

“Ndër të tjera, ramë dakord për nevojën e përshpejtimit të punës për zbardhjen e fatit të personave të zhdukur”, ka shkruar ai.

Lajçak dhe Escobar po qëndrojnë për vizitë zyrtare në Kosovë, ku gjatë mbrëmjes kanë takuar edhe kryeministrin Albin Kurti.

Vizita e tyre lidhet kryesisht me dialogun me Serbinë të cilën do ta vizitojnë poashtu./arbresh.info/

In Kosovo, together with DAS Escobar I met with @VjosaOsmaniPRKS and among others, we agreed on the need to speed up the work of resolving the fate of the remaining missing persons. pic.twitter.com/zFHZ6JZ58L

— Miroslav Lajčák (@MiroslavLajcak) January 31, 2022